Swyddog Allgymorth Addysg, Gogledd neu Ganolbarth Cymru (Rhugl yn y Gymraeg)

Isafswm y meini prawf ar gyfer dewis cyfweleion yw 60% o’r Meini Prawf Dethol. Gweler y Tabl Asesu – Meini Prawf Dethol am fanylion.

• Cymhwyster neu brofiad perthnasol o gyflwyno sesiynau gyda phobl ifanc o oedran ysgol.
• Siaradwr Cymraeg rhugl
• Arddull cyflwyno deniadol, brwdfrydig.
• Y gallu i reoli amser yn effeithiol a blaenoriaethu llwyth gwaith eich hun.
• Sgiliau cyfathrebu rhagorol, a’r gallu i adeiladu perthnasoedd cryf gydag ysgolion
• Yn deall neu yn barod i ddysgu am bynciau amgylcheddol fel newid yn yr hinsawdd, cyfiawnder hinsawdd a datgoedwigo.
• Meddiant ar sgiliau trefnu da a’r gallu i gyrraedd targedau a chyflawni canlyniadau dangosadwy.
• Profiad o olrhain, monitro a gwerthuso data gwaith allgymorth a defnyddio hyn i ysgrifennu adroddiadau i gyllidwyr.
• Sgiliau TG da, gan gynnwys Microsoft Office, gmail a dogfennau Google.
• Gwybodaeth a dealltwriaeth o ddiogelu, gan gynnwys materion diogelu digidol.

Bydd hyfforddiant yn cael ei ddarparu i sicrhau bod pob ymgeisydd yn teimlo fel eu bod yn cael eu cefnogi yn eu rôl ac yn hwyluso eu datblygiad gyrfa. Bydd hyfforddiant TG mewn meddalwedd hanfodol eraill yn cael eu cynnig hefyd.

Mae Maint Cymru yn arbennig o awyddus i dderbyn ceisiadau gan bobl o gefndir ethnig amrywiol a phobl sy’n byw gydag anabledd. Mae’r rhain yn nodweddion a hunaniaethau sydd yn cael eu tangynrychioli ym Maint Cymru ar hyn o bryd. Ar ben hynny, mae’r gwaith rydyn ni’n ei wneud yn herio gwladychiaeth fodern a strwythurau pŵer gwahaniaethol sy’n gyffredin mewn cymdeithas a gwaith undod byd-eang. Mae ein gwaith yn canolbwyntio ar leisiau pobl sydd ar y cyrion, ac yn ceisio dileu rhwystrau a chynyddu mynediad o fewn yr argyfwng hinsawdd. Byddai cael pobl sydd â’r hunaniaethau a’r nodweddion hyn i ymuno â’r tîm yn amhrisiadwy, a byddai Maint Cymru yn dod yn sefydliad gwell oherwydd hyn.

Gallwch ddysgu mwy am y diwylliant rydym wedi ymrwymo i’w feithrin yn Maint Cymru, drwy ddarllen ein Hegwyddorion Arweiniol yma. Mae’r rhain yn llywio’r ffyrdd rydym yn rhyngweithio, y penderfyniadau a wnawn, a’r gwaith a wnawn.

Rydym yn gweithredu proses recriwtio gynhwysol i ddileu rhwystrau a rhagfarn ddiarwybod. Mae hyn yn cynnwys yr opsiwn i ymgeisio trwy gais ysgrifenedig neu ar lafar; tîm Gweinyddwyr Recriwtio, sy’n sicrhau bod ceisiadau’n ddienw ar gyfer y panel dethol; a Chynllun Cyfweliad Gwarantedig y gellir optio mewn iddo ar gyfer pobl o gefndiroedd ethnig amrywiol a phobl sy’n byw gydag anabledd.  

1)   Darllenwch yr wybodaeth ganlynol:

• Ffurflen Gais, yn cynnwys Ffurflen Monitro Cyfleoedd Cyfartal
• Swydd Ddisgrifiad, gan gynnwys Meini Prawf Dethol
•  Cynllun Cyfweliad Gwarantedig

2) Dylech anfon eich ceisiadau ysgrifenedig neu wedi’u recordio i’r tîm Gweinyddwyr Recriwtio, drwy anfon e-bost i [email protected] erbyn hanner dydd, ddydd Mawrth, 7fed o Ebrill, 2026.

3)  Os ydych chi’n dewis gwneud eich cais drwy recordiad sain, cysylltwch â’r Gweinyddwyr Recriwtio os oes angen arweiniad arnoch.  Fel arall, recordiwch eich hunan yn ymateb i bob cwestiwn ar y ffurflen gais.  

Rydym yn croesawu ceisiadau yn Gymraeg.  Byddwn yn defnyddio gwasanaeth cyfieithu i gyfieithu ceisiadau Cymraeg i’r Saesneg.  

Os hoffech gyflwyno eich cais mewn ffordd arall, cysylltwch â’r tîm Gweinyddwyr Recriwtio.  Byddwn yn gwneud y broses ymgeisio yn hygyrch i bawb. 

4)  Os oes gennych unrhyw gwestiynau am y broses ymgeisio neu am y rôl ei hun, cysylltwch â’r tîm Gweinyddwyr Recriwtio drwy anfon e-bost i [email protected]. Mae’r gweinyddwyr recriwtio yn annibynnol ar y panel cyfweld, felly ni fydd hyn yn effeithio ar eich cais.

5)  Os ydych chi wedi cyrraedd y rhestr fer ar gyfer cyfweliad, gan gynnwys os ydych chi’n gymwys trwy’r Cynllun Cyfweliad Gwarantedig, bydd y tîm Gweinyddwyr Recriwtio yn cysylltu â chi ar neu erbyn dydd Llun, 13eg o Ebrill.  Fe fyddan nhw’n trefnu cyfweliad ddydd Mawrth, 28ain Ebrill. Byddwch yn cael gwybodaeth am fformat y cyfweliad, y panel, detholiad o’r cwestiynau cyfweld, a thasg i’w pharatoi hefyd.  Yn anffodus, ni allwn roi gwybod i’r rhai sydd heb gael eu dewis am gyfweliad y tro hwn.   

6) Bydd cyfweliadau’n cael eu cynnal ddydd Mawrth, 28ain Ebrill 2026. Bydd penderfyniad yn cael ei wneud a byddwch yn cael eich hysbysu o’r canlyniad erbyn dydd Gwener, 1af o Fai 2026. 

Mae Maint Cymru, a’i holl staff a gwirfoddolwyr, wedi ymrwymo i sicrhau amgylchedd diogel i blant, pobl ifanc ac oedolion sy’n agored i niwed ac i’w hatal rhag cael eu cam-drin yn gorfforol, rhywiol neu’n emosiynol. Mae Maint Cymru wedi ymrwymo i weithredu bob amser er budd gorau plant ac oedolion sy’n agored i niwed, ac yn ystyried y materion hyn yn hollbwysig. Bydd disgwyl i unrhyw ymgeisydd sy’n cael cynnig swydd gyda Maint Cymru gytuno i bolisi Diogelu a Chod Ymddygiad Maint Cymru, a glynu ato. Bydd y rôl hon yn amodol ar wiriad manylach gan y Gwasanaeth Datgelu a Gwahardd.