Ein Hegwyddorion Canllaw

• Canolbwyntio ar y gymuned, cyfranogol a chynhwysol: Rydym yn cysylltu â’r rhai sydd wedi’u hymyleiddio fwyaf, ac y mae eu lleisiau’n cael eu clywed lleiaf. Mae ein gwaith yn cael ei arwain gan y cymunedau hyn a’n partneriaid coedwigoedd. Ein nod yw cael gwared ar rwystrau a chynyddu mynediad. Rydym yn ceisio dylanwadu ar y rhai sy’n gwneud penderfyniadau, a mynd i’r afael â’r anghydraddoldebau strwythurol sy’n gyrru’r argyfwng hinsawdd, gyda’n gilydd.

• Hyrwyddo cyfiawnder, gofal a byw’n dda:
  Mae’r cysyniadau hyn yn llywio’r gwaith rydyn ni’n ei wneud, y ffyrdd rydyn ni’n rhyngweithio a’r penderfyniadau rydyn ni’n eu gwneud. Mae’n ymwneud â thriniaeth deg ac iechyd holistaidd pobl – o’n tîm ein hunain yr holl ffordd i bobloedd Frodorol y byd – heb esgeuluso ein planed a’i choedwigoedd. Rydym yn gwybod bod yr argyfwng hinsawdd yn ymhelaethu ar anghydraddoldebau systemig presennol, ac rydym yn cydnabod sut mae Cymru a gwledydd eraill y Gogledd Byd-eang wedi cyfrannu at anghydraddoldebau byd-eang ac allyriadau carbon gormodol fel ei gilydd. Drwy ein gwaith, ein nod yw mynd i’r afael â’r etifeddiaeth niweidiol hon, dramor ac o fewn cymunedau Cymru.

• Seiliedig ar dystiolaeth a chanolbwyntio ar atebion:    Yn ein gwaith, rydym yn canolbwyntio ar atebion ac yn ceisio gweithio mewn ffordd ddeniadol a chreadigol, ac yn seilio ein gwaith ar ymchwil a gwyddoniaeth, gan gynnwys gwybodaeth Frodorol a lleol.

• Yn canolbwyntio ac yn strategol
  Rydym yn canolbwyntio ein gwaith yng Nghymru a thramor ar lefel leol, genedlaethol a rhyngwladol. Rydym yn anelu at ddylanwadu ar newid polisi, deddfwriaeth ac ymddygiadau. Mae ein gwaith yn cyd-fynd â Deddf Llesiant Cenedlaethau’r Dyfodol (2015) ac ymrwymiadau rhyngwladol i gyfreithiau a safonau hawliau dynol.

• Moesegol ac atebol:
  Rydym yn ymdrechu i sicrhau’r safonau uchaf o onestrwydd, moeseg, atebolrwydd a thryloywder ym mhopeth a wnawn. Rydym yn cael ein hysbysu a’n harwain gan brofiadau ac arbenigedd pobl eraill, ac yn ymrwymo i groesawu dull cynhwysol o ymdrin â’r gwaith rydyn ni’n ei wneud a sut rydyn ni’n ei wneud.

Rydym yn cydnabod bod arferion ac iaith orau yn datblygu’n barhaus a chyda hynny, ein dealltwriaeth hefyd o’r byd ac o’r gwaith rydyn ni’n ei wneud.

Rydyn ni’n ymrwymo i adolygu ein Hegwyddorion Canllaw yn ogystal â’r ymddygiadau a’r penderfyniadau sy’n eu cefnogi.

Rydyn ni’n ymrwymo i ddysgu drwy’r amser, nid i fod yn berffaith.

Diweddarwyd Mawrth 2023