Prosiectau coedwig

Rydym yn gweithio gyda phobl frodorol a chymunedau lleol yn America Ladin, Affrica a De Ddwyrain Asia i ddiogelu a chynnal ardal o goedwig drofannol o leiaf maint Cymru, a thyfu miliynau o goed.

Mewn coedwigoedd trofannol ar draws y byd, mae’r cyd-destun sy’n ysgogi datgoedwigo yn amrywio’n fawr. Cymunedau brodorol a lleol yw’r gwarcheidwaid coedwig gorau, sydd gyda canrifoedd o wybodaeth a phrofiad. Rydym yn cefnogi gweithredoedd cymunedau coedwigoedd i fynd i’r afael â’r sbardunwyr datgoedwigo sy’n effeithio fwyaf arnynt.

Rydym yn cefnogi mentrau dan arweiniad y gymuned sy’n amddiffyn tirweddau hanfodol ac sy’n mynd i’r afael ag anghyfiawnderau cymdeithasol wrth liniaru effeithiau’r argyfwng hinsawdd. Mae rhai enghreifftiau yn cynnwys datblygu bywoliaethau cynaliadwy, grymuso menywod, a chyfuno technolegau modern â gwybodaeth draddodiadol frodorol.

Mae’r argyfwng hinsawdd yn effeithio ar bob un ohonom, ac mae coedwigoedd trofannol yn ateb hanfodol i’r argyfwng hinsawdd. Gyda’n gilydd, byddwn yn sicrhau dyfodol gyda choedwigoedd.