Ymddiriedolwr

Bwrdd yr Ymddiriedolwyr yw’r corff sy’n gwneud penderfyniadau ar gyfer yr elusen, ac mae pob ymddiriedolwr yn dod yn gyfarwyddwyr anweithredol cwmni.  Mae’r Bwrdd yn gyfrifol am osod strategaeth gyffredinol, ac am sicrhau ei bod yn cael ei chyflawni gan Gyfarwyddwr Maint Cymru, Dirprwy Gyfarwyddwr a’r tîm ehangach o 16. Mae’r Bwrdd yn cynnwys pobl sy’n dod â’r ystod o sgiliau proffesiynol a phrofiad personol a chyflogaeth sydd eu hangen i sicrhau bod yr elusen yn cael ei llywodraethu’n dda.

• Y tymor arferol yn y swydd ar gyfer Ymddiriedolwr yw tair blynedd, a gellir ei ymestyn. 
• Mae’n rhaid i Ymddiriedolwyr fynychu pedwar cyfarfod Bwrdd y flwyddyn yng Nghaerdydd neu’n ddigidol, ynghyd â’r Cyfarfod Cyffredinol Blynyddol.    Mae Ymddiriedolwyr yn cael eu hannog hefyd i ymuno ag un is-bwyllgor, fel yr Is-bwyllgor Risg neu’r Pwyllgor Moeseg. Efallai y bydd cyfathrebu ad hoc rhwng Ymddiriedolwyr a Chyfarwyddwr Maint Cymru a Dirprwy Gyfarwyddwr yn digwydd hefyd drwy e-bost, WhatsApp, ffôn a chynhadledd fideo.
• Mae’r swyddi yn wirfoddol, a bydd costau teithio rhesymol yn cael eu had-dalu. 
• Mae’r amser sydd ei angen i gyflawni’r rôl hon oddeutu un diwrnod y mis, er bod adegau pan fydd hyn yn uwch.  Gall ymrwymiad y tu allan i gyfarfodydd fod ar adegau sy’n addas i chi’ch hun. 
• Darperir hyfforddiant a mentora os oes angen, ac mae cyfleoedd i ddatblygu eich gyrfa ac eich cyfnod fel ymddiriedolwr yn cael eu hannog, fel cynrychioli Maint Cymru mewn digwyddiadau fel cynadleddau, neu ddod yn arweinydd ar gyfer rhanbarth prosiect, is-bwyllgor neu faes rhaglen.

Mae Maint Cymru yn elusen unigryw sy’n gwneud Cymru’n rhan o’r ateb byd-eang i newid hinsawdd.  Defnyddiwyd “maint Cymru” fel uned fesur am ddegawdau, ar gyfer dinistrio ein cynefinoedd naturiol mwyaf pwysig. Ers 2010, rydym wedi dod â’n cenedl at ei gilydd i droi hyn ar ei phen.

Gyda’n gilydd, rydym yn gweithio gyda chymunedau brodorol a lleol ar draws y byd i ddiogelu o leiaf 2 filiwn hectar o goedwigoedd trofannol – ardal o faint Cymru – ac yn tyfu miliynau o goed. Rydym yn addysgu ac ysbrydoli pobl yng Nghymru i gydnabod rôl hanfodol  coedwigoedd trofannol wrth fynd i’r afael â’r argyfwng hinsawdd, a sut mae’n rhaid i ni gefnogi cymunedau brodorol a lleol i ddiogelu’r hinsawdd, bioamrywiaeth a bywoliaethau.  Rydym yn ymgyrchu i sbarduno newid mewn polisi, ac yn galw ar Gymru i ddod yn genedl Dim Datgoedwigo gyntaf y byd, i ddiogelu coedwigoedd trofannol dramor.

Ein gweledigaeth yw helpu i greu dyfodol lle gall cymunedau coedwigoedd
ffynnu ochr yn ochr â choedwigoedd trofannol iach – i wneud ein cenedl yn
rhan o’r ateb, yn hytrach na’n fesur o’r broblem. 

Mae ceisiadau yn parhau

Gallwch anfon cais drwy ffurflen gais ddienw (yma), y dylid ei chwblhau’n llawn a’i hanfon drwy e-bost at [email protected]. Ni fydd yr holl ddata Ecwiti, Amrywiaeth a Chynhwysiant yn cael ei weld gan y tîm dethol na’r panel cyfweld. Cysylltwch â [email protected] os oes angen cymorth arnoch i lenwi’r ffurflen.

Mae’n bosibl anfon cais drwy anfon nodyn llais neu gyflwyniad fideo. I wneud hyn, atebwch y cwestiynau o’r ffurflen gais anhysbys yn ystod eich recordiad, a’i hanfon trwy WhatsApp neu drwy e-bost at [email protected]. Os hoffech gyflwyno’ch cais mewn ffordd wahanol, cysylltwch â’r gweinyddwr rôl. Byddwn yn gwneud y broses ymgeisio yn hygyrch i bawb.

I gael sgwrs anffurfiol am y rôl, cysylltwch â [email protected], a fydd yn gallu eich rhoi mewn cysylltiad ag un o’r ymddiriedolwyr presennol.

Llenwch y ffurflen Ecwiti, Amrywiaeth a Chynhwysiant sydd wedi’i hatodi, a darllenwch yr wybodaeth gwarantu cyfweliad yn y ddogfen ar wahân os ydych naill ai’n berson ethnig amrywiol neu’n berson sy’n byw gydag anabledd.

Gall y cyfweliad fod ar-lein neu mewn person, yn dibynnu ar eich dewisiadau.

• Ffurflen Gais
• Disgrifiad o’r swydd
• Ffurflen Monitro Cyfleoedd Cyfartal
• Cynllun Gwarantu Cyfweliad