Coed yr Ŵyl

Rhoi yn ôl i natur

Rydym yn annog ein cefnogwyr i godi arian a helpu ein cymunedau partner i gadw coedwigoedd trofannol. Mewn ymgyrchoedd blaenorol, rydym wedi codi digon o arian i’n partneriaid i blannu cannoedd o filoedd o goed mewn llefydd fel Boré, Kenya, a Mbale, Uganda. Eleni, rydym yn cefnogi ein partneriaid coedwigaeth ar draws y byd i warchod coedwigoedd trofannol maint Cymru a thyfu coed.

Mae partneriaid coedwig fel Regrow Borneo yn adfer coedwigoedd trofannol trwy dyfu coed cymunedol sy’n foesegol ac yn cael ei arwain gan ymchwil. Maent nid yn unig yn helpu i ddal carbon ond maent yn plannu coed mewn ffyrdd sy’n gwella bywoliaethau lleol ac yn gwella bioamrywiaeth, fel yr eliffant Borne neu’r orangwtan sydd mewn perygl.

Rydym hefyd yn codi arian i gefnogi ein partneriaid coedwigoedd brodorol anhygoel, sef gwarcheidwaid gorau ein coedwigoedd gwerthfawr. Yn Ne America, mae y Guarani, Yanomami a Cenedl y Wampís yn amddiffyn coedwig yr Amazon a’r Iwerydd rhag mwyngloddio aur anghyfreithlon a busnesau amaethyddol mawr, gan beryglu eu bywydau yn aml.

Mae coed yn chwarae rhan hanfodol ym mywydau pawb. Maen nhw’n amsugno carbon, yn cynnal bywyd gwyllt, yn darparu bwyd, ac yn atal tirlithriadau. Mae ganddynt arwyddocâd diwylliannol ehangach ar draws y byd hefyd, yn enwedig ym mis Rhagfyr, pan fydd llawer o bobl yn dod at ei gilydd o amgylch coeden gyda’u hanwyliaid.

Mae Coed yr Ŵyl yn ffordd wych o ymestyn cyfeillgarwch ar draws ffiniau, a dathlu coed!