Borneo: Ailgoedwigo coedwig drofannol yn y Kinabatangan isaf gyda Regrow Borneo

Yr her

Y Kinabatangan yw’r afon fwyaf yn Borneo, ac mae ei gorlifdir yn fan hanfodol ar gyfer bioamrywiaeth. Mae hi hefyd yn gartref i rywogaethau sydd mewn perygl fel yr orangwtan Borneaidd. Ers y 1950au, mae dirywiad coedwigoedd a datgoedwigo wedi cynyddu’n sylweddol, gan fygwth bioamrywiaeth a lleihau’r gwasanaethau economaidd, diwylliannol, a chymdeithasol y mae’r goedwig yn eu darparu ar gyfer cymunedau lleol. Yn ystod y blynyddoedd diwethaf, mae datgoedwigo wedi cael ei sbarduno gan y cynnydd mewn planhigfeydd olew palmwydd sydd bellach yn gorchuddio 80% o’r ardal.

Mae partneriaid y prosiect, The Danau Girang Field Centre, yn ganolfan ymchwil sy’n arbenigo mewn cadwraeth ecosystemau trofannol. Mae’n darparu rhaglenni allgymorth ac ymwybyddiaeth ar gyfer cymunedau lleol ac ar gyfer rhanddeiliaid lleol eraill hefyd, fel eco-dwristiaeth leol a phlanhigfeydd olew palmwydd. Mae’r prosiect yn darparu swyddi ar gyfer cymunedau lleol sy’n chwarae rhan ganolog mewn nid yn unig plannu, ond mewn cynnal a chadw a monitro’r gwaith o adfer coedwigoedd hefyd.

Ar y cyfan, mae’r prosiect yn ceisio datblygu model ar gyfer adfer coedwigoedd, sy’n meddwl y tu hwnt
i blannu coed, tuag at fanteision integredig coedwig iach i gymunedau, bioamrywiaeth, a’r hinsawdd.