Ysgol Blaenycwm

Yn sgil eu gwybodaeth newydd am bwysigrwydd coedwigoedd trofannol a nwyddau sy’n risg i goedwigoedd, a’r camau ymarferol i helpu i gefnogi pobl a natur, dechreuodd myfyrwyr Blwyddyn 5 yn Ysgol Blaen y Cwm godi ymwybyddiaeth ac ysbrydoli newid.

Dyluniodd a chyflwynodd y myfyrwyr wasanaeth ar gyfer yr ysgol gyfan, i ddisgyblion a staff godi ymwybyddiaeth am ddatgoedwigo trofannol a rhannu cyngor ymarferol am beth y gall pobl ei wneud i leihau eu hôl troed coedwig drofannol. Eu prif ffocws oedd ar yr ardystiad Masnach Deg, a’i bwysigrwydd mewn perthynas â choffi a chacao. Wedyn, fe aethon nhw ymlaen i drefnu bore coffi Masnach Deg a gwahodd rhieni, lle roedden nhw’n gwerthu cacen siocled Masnach Deg.

Fe wnaethant ysgrifennu at eu hoff frandiau siocled hefyd i ofyn am eu defnydd o gacao sydd wedi’i ardystio’n foesegol, ac i ddarganfod beth mae’r cwmnïau’n ei wneud i fod yn fwy cynaliadwy.