Helpwch i Sicrhau Dyfodol gyda Choedwigoedd!
Byddwn yn agor archebion ar gyfer tymor yr Hydref 2025 yn y pythefnos nesaf. Sgroliwch i lawr i waelod y dudalen hon i ddarganfod beth mae pob gweithdy yn ei gynnwys.
Mae ein gweithdai yn cael eu dyfeisio yn unol â’r cwricwlwm cenedlaethol newydd i Gymru. Byddwn yn cefnogi eich addysgu, ac yn helpu eich disgyblion i ddod yn “ddinasyddion moesegol, gwybodus o Gymru a’r byd”.
Mae pob gweithdy yn addas i’w hoedran, ac yn archwilio bioamrywiaeth anhygoel coedwigoedd trofannol a bywydau’r bobl sydd yn byw ynddynt. Maen nhw’n trafod newid hinsawdd a’r rôl hanfodol mae coedwigoedd yn ei chwarae wrth frwydro yn erbyn hyn. Maen nhw’n canolbwyntio ar atebion, ac yn tynnu sylw at sut mae gan ddisgyblion y pŵer i ddiogelu coedwigoedd trofannol.
Mae pob sesiwn yn cael ei chyflwyno gan un o’n swyddogion allgymorth angerddol a phrofiadol. Mae ein gweithdai ac adnoddau addysgol rhad ac am ddim ar gael yn Gymraeg a Saesneg ac wedi’i ariannu gan Llywodraeth Cymru.
Rydym yn cael ein hariannu i gyflwyno sesiynau mewn ysgolion a ariennir gan y wladwriaeth yn unig.
Bwcio eich gweithdy Maint Cymru am ddim
Mae ein gweithdai wedi eu dyfeisio yn unol â’r cwricwlwm cenedlaethol newydd i Gymru. Byddwn yn cefnogi eich addysgu, ac yn helpu eich disgyblion i ddod yn “ddinasyddion moesegol, gwybodus o Gymru a’r byd”.
Mae’r holl weithdai yn briodol i’w hoedran, ac yn archwilio bioamrywiaeth anhygoel coedwigoedd trofannol a bywydau’r bobl sydd yn byw ynddynt. Maen nhw’n cyflwyno’r pwnc newid hinsawdd a’r rôl hanfodol y mae coedwigoedd yn ei chwarae wrth fynd i’r afael â hyn. Maen nhw’n canolbwyntio ar atebion, ac yn tynnu sylw at sut mae gan ddisgyblion y pŵer i warchod coedwigoedd trofannol.
Mae pob sesiwn yn cael eu cyflwyno gan un o’n swyddogion allgymorth angerddol a phrofiadol. Mae ein gweithdai a’n hadnoddau addysgol am ddim yn cael eu hariannu gan Lywodraeth Cymru, ac maen nhw ar gael yn Gymraeg a Saesneg.
Mae Dewch i ddarganfod coedwigoedd glaw Affrica gydag Elon yr eliffant yn addas i ddisgyblion y derbyn i ddisgyblion blwyddyn 2, ac maen nhw’n mynd â phlant ar daith ymdrochol i goedwig law y Congo, trwy adrodd straeon a gweithgareddau ymarferol. Byddant yn darganfod popeth am yr anifeiliaid sy’n byw yno, beth sy’n bygwth eu coedwig, a pha gamau y gallwn eu cymryd i helpu.
Mae Dewch i ddarganfod coedwigoedd glaw Indonesia gyda Tim Tom yr orangutan yn addas ar gyfer disgyblion blwyddyn 2 i flwyddyn 4, ac mae plant yn “teithio” i Borneo i ddarganfod popeth am yr anifeiliaid sy’n byw yno. Maen nhw’n dylunio ac yn creu nythod orangutan eu hunain, a byddant yn dysgu sut mae olew palmwydd anghynaladwy yn bygwth eu coedwig, a pha gamau y gallwn eu cymryd i helpu.
Mae Ditectifs Datgoedwigo yn addas ar gyfer blynyddoedd 4, 5 a 6, ac mae’n ymdrin â bioamrywiaeth coedwigoedd trofannol a newid hinsawdd trwy amrywiaeth o weithgareddau hwyliog. Bydd y plant yn dod yn “dditectifs datgoedwigo”, ac yn dysgu am y nwyddau yma yng Nghymru sydd yn achosi datgoedwigo, a pha gamau y gallwn eu cymryd i helpu.
Mae Gwarcheidwaid Brodorol Coedwig yr Iwerydd yn addas ar gyfer blynyddoedd 4,5 a 6, a bydd plant yn dysgu am anifeiliaid diddorol a phobl frodorol Coedwig yr Iwerydd yn Ne America. Mae’r gymuned Guarani ar reng flaen yr argyfwng hinsawdd, a bydd plant yn dysgu am beth sy’n bygwth eu coedwig, a’r camau y gallwn eu cymryd i helpu, trwy weithgaredd celf cyffrous.
Mae Yr Achos Chwilfrydig o Goffi a Chocao (ditectifs coffi a chacao) yn addas ar gyfer blynyddoedd 4,5 a 6, a bydd plant yn darganfod hanes coffi a chacao, ac yn gwneud eu siocled poeth Mayaidd eu hunain! Byddant yn dod yn dditectifs datgoedwigo, yn darganfod sut mae tyfu coffi a chacao yn achosi datgoedwigo, a beth y gall pob un ohonom ei wneud i wneud gwahaniaeth cadarnhaol.
Mae Llofryddiaeth y Blodyn Anghenfil (ditectifs olew palmwydd) yn addas ar gyfer blynyddoedd 4,5 a 6, a bydd plant yn darganfod safle trosedd ac yn datrys cyfres o gliwiau i ddarganfod sut mae’r deintlys cennog wedi marw. Byddant yn dod yn dditectifs datgoedwigo, yn gwneud eu printiau anifeiliaid eu hunain, ac yn darganfod sut mae olew palmwydd yn achosi datgoedwigo a beth yw’r atebion.
Mae Dirgelwch y Ffa Hud (ditectifs soia a chig eidion) yn addas ar gyfer blynyddoedd 4,5 a 6, a bydd plant yn darganfod popeth am amrywiaeth o ffa. Byddant yn dod yn dditectifs datgoedwigo a thrwy gyfres o gemau, yn darganfod sut mae soia a chig eidion yn achosi datgoedwigo, a beth y gallant ei wneud yn eu hysgol i wneud gwahaniaeth cadarnhaol.
Gyda disgyblion hŷn, rydym yn edrych yn fanwl ar goedwigoedd trofannol, datgoedwigo ac effeithiau newid hinsawdd ar gymunedau lleol. Mae pob gweithdy’n annog trafodaeth, ac yn canolbwyntio ar atebion.
Coedwigoedd a Newid Hinsawdd
Darganfyddwch bopeth am bwysigrwydd coedwigoedd a’r cysylltiad rhwng datgoedwigo a newid hinsawdd.
Cyfiawnder Hinsawdd
Dysgwch sut mae newid hinsawdd yn effeithio ar bobl yn wahanol, ac am bwysigrwydd hawliau pobl frodorol yn ein brwydr yn erbyn newid hinsawdd.
Os oes gennych ddiddordeb mewn darganfod mwy a chofrestru ar gyfer gweithdy ar gyfer ysgolion uwchradd, e-bostiwch [email protected]
Eisiau clywed am ein prosiectau, ymgyrchoedd a digwyddiadau diweddaraf trwy ebost?
