Swyddi

Mae Maint Cymru yn recriwtio unigolyn sy’n profiadol a threfnus i gynllunio a gweithredu holl gyfathrebiadau Maint Cymru yn strategol tra’n datblygu ffyrdd arloesol o gyrraedd cynulleidfaoedd newydd a gwneud y mwyaf o gyfleoedd codi arian digidol a marchnata. Bydd y rôl hon yn cwmpasu pob maes o waith Maint Cymru. Mae hyn yn cynnwys prosiectau coedwigoedd trofannol, addysg a dadleuaeth.

Mae'r rôl yn gofyn am Gymraeg a Saesneg llafar ac ysgrifenedig da.

Darperir hyfforddiant i sicrhau bod pob ymgeisydd yn teimlo eu bod yn cael eu cefnogi yn eu rôl a’u cynnydd o ran eu gyrfa tra yn Maint.

Mae'n hanfodol bod pob gweithiwr yn ymgorffori egwyddorion Ecwiti, Amrywiaeth a Chynhwysiant (EDI) ym mhob elfen o'u gwaith.

Mae Maint Cymru yn chwilio am bedwar Ymddiriedolwr newydd i ymuno â Bwrdd o wyth, i helpu i lywio ac arwain ein helusen ar adeg pan mai newid hinsawdd yw'r mater mwyaf tyngedfennol sy'n wynebu ein planed.

Mae hwn yn gyfle cyffrous i arwain a chreu newid i bobl o bob llwybr mewn bywyd a chefndir sydd eisiau gwneud rhywbeth arwyddocaol ynghylch yr argyfwng hinsawdd. Byddwch yn dod yn aelod o Fwrdd yr Ymddiriedolwyr, ac yn cydweithio gyda'ch gilydd, gan ddod â'ch profiad bywyd, eich meddyliau a'ch doethineb i'r rôl. Mae'r Bwrdd yn gasgliad croesawgar o bobl, sydd yn barod ac yn awyddus i gefnogi ei gilydd a'r tîm.

Rydym yn dathlu amrywiaeth meddwl a phrofiad bywyd, ac yn cydnabod y cryfder a’r dynameg y mae hyn yn ei gynnig. Rydym yn croesawu ceisiadau gan bobl o gefndiroedd ethnig amrywiol, ieuenctid, LHDTC+ a phobl sydd yn
byw gydag anableddau. Mae Maint Cymru wedi ymrwymo ac ar daith weithredol i ddod yn elusen hollol gynhwysol a gwrth-hiliol.