Swyddog Eiriolaeth ac Allgymorth

Isafswm y meini prawf ar gyfer dewis cyfweleion yw 60% o’r Meini Prawf Dethol. Gweler y Tabl Asesu – Meini Prawf Dethol am fanylion.

• Dealltwriaeth gadarn am gynaliadwyedd amgylcheddol, ac angerdd amdano.
• Profiad o weithio ar raglenni eiriolaeth llwyddiannus, ac ar ymgyrchoedd a/neu waith allgymorth cymunedol llwyddiannus, yn ddymunol yng Nghymru
• Meddwl strategol a chreadigol, gyda’r gallu i sylwi ar gyfleoedd a manteisio arnynt.
• Y gallu i ymchwilio a chasglu tystiolaeth, ffurfio barnau, a chyflwyno dadleuon perswadiol, sy’n cynnwys gwneud problemau cymhleth yn hygyrch i eraill
• Profiad o drefnu digwyddiadau/gweminarau eiriolaeth ac ymgysylltu
• Profiad neu ddealltwriaeth o bynciau thematig perthnasol fel (i) arferion caffael moesegol (ii) pensiynau moesegol (iii) nwyddau sy’n risg i goedwigoedd ac ysgogwyr datgoedwigo.
• Cyfathrebwr gwych, yn enwedig ar bapur.
• Sgiliau rhyngbersonol da, gan gynnwys y gallu i gynrychioli Maint Cymru mewn digwyddiadau, a sefydlu a meithrin partneriaethau allanol cryf.
• Sgiliau gwaith tîm da, gallu adeiladu a meithrin perthnasoedd da gyda chydweithwyr.
• Sgiliau trefnu da, gan gynnwys y gallu i reoli a blaenoriaethu eich gwaith eich hun a gweithio ar unrhyw adroddiadau uniongyrchol heb oruchwyliaeth agos.
• Sgiliau TG a digidol cryf, gan gynnwys Microsoft Office, Google Workspace a Canva.
• Profiad o gefnogi monitro, gwerthuso, dysgu ac adrodd ar weithgareddau i roddwyr.
• Yn barod i gynnwys egwyddorion ecwiti, amrywiaeth a chynhwysiant.

Bydd hyfforddiant yn cael ei ddarparu i sicrhau bod pob ymgeisydd yn teimlo fel eu bod yn cael eu cefnogi yn eu rôl ac yn hwyluso eu datblygiad gyrfa. Bydd hyfforddiant yn y Gymraeg yn cael ei gynnig i gefnogi dysgu os oes angen. Bydd hyfforddiant TG mewn WordPress a meddalwedd hanfodol arall yn cael ei gynnig hefyd.

Bydd angen i ddeiliad y swydd deithio ar draws Cymru.

Rydym wedi gweithredu proses recriwtio hollol newydd a chynhwysol, i gael gwared ar rwystrau a rhagfarn ddiarwybod. Mae hyn yn cynnwys yr opsiwn i wneud cais ysgrifenedig neu gais ar lafar; Gweinyddwyr Recriwtio sy’n sicrhau bod ceisiadau’n ddienw ar gyfer y panel dethol; a Chynllun Cyfweliad Gwarantedig y gellir optio mewn iddo ar gyfer pobl o gefndiroedd ethnig amrywiol a phobl sy’n byw gydag anabledd (rhagor o wybodaeth isod).

1. Darllenwch y dogfennau ganlynol:

• Application Form
• Equal Opportunities Monitoring Form
• Job Description including Selection Criteria
• Guaranteed Interview Scheme
• Selection Criteria Assessment Table

2. Dylech anfon eich ceisiadau ysgrifenedig neu wedi’u recordio i’r tîm Gweinyddwyr Recriwtio, drwy e-bost at [email protected] erbyn 9am ddydd Llun, 6ed Hydref 2025. Peidiwch ag anfon CV.

3. Os ydych chi’n dewis gwneud eich cais drwy recordiad sain, cysylltwch â’r Gweinyddwyr Recriwtio os ydych chi angen help.  Fel arall, dylech recordio eich hun yn ateb yr holl gwestiynau ar y ffurflen gais.

Rydym yn croesawu ceisiadau yn Gymraeg. Byddwn yn defnyddio gwasanaeth cyfieithu i gyfieithu ceisiadau Cymraeg i’r Saesneg.

Os hoffech gyflwyno eich cais mewn ffordd arall, cysylltwch â’r tîm Gweinyddwyr Recriwtio. Byddwn yn gwneud y broses ymgeisio yn hygyrch i bawb.

4. Os oes gennych unrhyw gwestiynau am y broses ymgeisio neu am y rôl ei hun, cysylltwch â’r tîm Gweinyddwyr Recriwtio ar [email protected]. Mae’r tîm Gweinyddwyr Recriwtio yn annibynnol i’r panel cyfweld, felly ni fydd hyn yn effeithio ar eich cais.

5. Os ydych chi wedi cyrraedd y rhestr fer ar gyfer cyfweliad, gan gynnwys os ydych chi’n gymwys trwy’r Cynllun Cyfweliad Gwarantedig, bydd y tîm Gweinyddwyr Recriwtio yn cysylltu â chi ar, neu erbyn, 9fed Hydref 2025, i drefnu cyfweliad ar 20 neu 21 Hydref, 2025. Byddwch yn cael gwybodaeth am fformat y cyfweliad, y panel cyfweld, detholiad o’r cwestiynau cyfweld, a thasg i’w pharatoi hefyd. Efallai yr hoffech gyfeirio eto at y Tabl Asesu – Meini Prawf Dethol, i weld beth fydd yn cael ei asesu yn y cyfweliad. Bydd pob maen prawf yn cael ei sgorio allan o 5.

6. Bydd cyfweliadau’n cael eu cynnal mewn person yn y Deml Heddwch yn ystod ar 20 neu 21 Hydref, 2025. Fel arall, gallwch ddewis cael cyfweliad ar-lein drwy Zoom os byddai’n well gennych. Unwaith y bydd yr holl gyfweliadau wedi cael eu cwblhau, bydd penderfyniad yn cael ei wneud erbyn 10 Chwefror 2025.

Mae Maint Cymru, a’i holl staff a gwirfoddolwyr wedi ymrwymo i sicrhau amgylchedd diogel i blant, pobl ifanc ac oedolion sy’n agored i niwed ac i’w hatal rhag cael eu cam-drin yn gorfforol, rhywiol neu’n emosiynol. Mae Maint Cymru wedi ymrwymo i weithredu bob amser er budd gorau plant ac oedolion sy’n agored i niwed, ac yn ystyried y diddordebau hyn yn hollbwysig. Bydd disgwyl i unrhyw ymgeisydd sy’n cael cynnig swydd gyda Maint Cymru gytuno i bolisi Diogelu a Chod Ymddygiad Maint Cymru, a glynu ato.