Mae gan Branwen brofiad helaeth ym maes cyfathrebu, ymgyrchu a datblygu rhyngwladol. Cyn ymuno â Maint Cymru, bu’n Bennaeth Cyfathrebu Cymorth Cristnogol yng Nghymru. Mae ei gwaith cyfathrebu rhyngwladol wedi mynd â hi i wledydd ar draws Affrica, Asia, America Ladin a’r Dwyrain Canol, gan gynnwys gweithio yn dilyn argyfyngau dyngarol. Bu’n ffilmio yn Haiti yn fuan ar ôl daeargryn 2010 ac yn gweithio yn Kenya am sawl mis yn ystod sychder 2012.
Mae Branwen hefyd wedi ymgyrchu dros y Gymraeg ac mae’n angerddol dros gydraddoldeb, cyfiawnder a sicrhau bod lleisiau pobl yn cael eu clywed. Mae’n credu bod gan Gymru gyfrifoldeb i weithredu fel cenedl sy’n wirioneddol ymwybodol o’i heffaith fyd-eang.
“Drwy fy ngwaith, rwyf wedi gweld drosof fy hun sut mae anghydraddoldeb, newid hinsawdd a phenderfyniadau a wneir filoedd o filltiroedd i ffwrdd yn effeithio ar fywydau pobl. Rwy’n credu’n gryf yng ngrym cyfathrebu i godi lleisiau, herio anghyfiawnder ac ysbrydoli gweithredu. Mae Cymru’n genedl fach, ond gallwn wneud gwahaniaeth gwirioneddol drwy gymryd cyfrifoldeb am ein heffaith ar bobl a’r blaned.”
