Caniatâd mewn perthynas â Diogelu Data ar gyfer Lluniau a Fideos

Mae Maint Cymru yn ymroddedig i ddiogelu data personol, yn enwedig mewn perthynas â phlant. Fel rhan o’n cenhadaeth, rydym yn casglu lluniau a fideos yn ystod gweithgareddau’r ysgol, i ddogfennu a rhannu effaith gadarnhaol ein gwaith.

Pwrpas

Bydd eich ysgol wedi cael caniatâd gan rieni / gofalwyr, yn barod i blant gael tynnu eu lluniau neu eu ffilmio. Drwy fwcio, rydych yn cadarnhau bod ffurflen ganiatâd eich ysgol yn rhoi caniatâd i ddarparwyr trydydd parti, fel Maint Cymru, i dynnu lluniau o blant neu i ffilmio plant yn ystod gweithgareddau Maint Cymru ar gyfer y dibenion canlynol:

• Hyrwyddo ac Ymwybyddiaeth: I’w defnyddio ar ein gwefan, sianeli cyfryngau cymdeithasol ac yn ein deunyddiau hyrwyddo.
• Partneriaethau: I’w rhannu gyda’n partneriaid a thrydydd partïon fel cyllidwyr.
• Deunyddiau Addysgol: I’w cynnwys mewn cyflwyniadau, gweithdai ac adroddiadau.

Diogelu Data a Phreifatrwydd

Rydym yn glynu at y Rheoliad Cyffredinol ar Ddiogelu Data, ac yn sicrhau bod data’n cael eu storio a’u defnyddio’n ddiogel at y dibenion a nodir yn unig. Os na ddylid tynnu lluniau neu ffilmio unrhyw blentyn yn ystod ein gweithgareddau, rhowch wybod i’n staff yn y digwyddiad.

Caniatâd

Trwy barhau â’r archeb hon, rydych yn cydsynio i:

• Luniau o blant gael eu tynnu a’u ffilmio, yn amodol ar weithdrefnau caniatâd yr ysgol ei hun
• Ddefnyddio’r lluniau hyn fel y disgrifir
• Rannu lluniau gyda thrydydd partïon
• Roi gwybod i Maint Cymru am unrhyw blant na ddylid eu ffilmio / tynnu lluniau ohonynt

Gall rhieni/gofalwyr dynnu eu caniatâd yn ôl ar unrhyw adeg. Rhowch wybod i ni am unrhyw newid ynghylch cydsynio neu os oes gennych unrhyw bryderon, drwy gysylltu â Maint Cymru ar 07863433478 neu drwy e-bostio [email protected]. Sylwch efallai, na fydd tynnu lluniau sydd eisoes wedi’u cyhoeddi yn bosibl. Am fwy o fanylion, darllenwch ein polisi preifatrwydd: polisi preifatrwydd