Cenedl Dim Datgoedwigo

Rydym yn galw ar Gymru i greu hanes a dod yn Genedl Dim Datgoedwigo gyntaf y byd.

Yn 2020, ymunodd Maint Cymru â WWF Cymru ac RSPB Cymru i alw am Gymru i ddod yn Genedl Dim Datgoedwigo. Rydym eisiau i Lywodraeth Cymru a’r Senedd weithredu i ddileu datgoedwigo wedi’i fewnforio o’n heconomi.

Yn 2023, cafodd 4 miliwn hectar o goedwigoedd trofannol eu dinistrio – ardal dau gwaith maint Cymru. Clirio tir i gynhyrchu nwyddau fel cig eidion, soi, olew palmwydd, coffi, pren a choco yw’r prif beth sy’n sbarduno datgoedwigo.

Mae’r economi datgoedwigo o’n cwmpas ym mhob man. Mae yn y bwyd rydyn ni’n ei fwyta, y cynhyrchion rydyn ni’n eu prynu, ac yn ein potiau pensiwn. Gall Cymru arwain y ffordd ar y mater hwn, tuag at ddyfodol mwy cynaliadwy.

I ddysgu mwy am yr ymgyrch Cenedl Dim Datgoedwigo, ewch i adran adnoddau’r dudalen hon.

Ffeithiau ynghylch Cymru a datgoedwigo

Mae ardal o dir sy’n cyfateb i 40% o faint Cymru yn cael ei defnyddio dramor i dyfu’r nwyddau sy’n cael eu mewnforio i Gymru sy’n peri risg i goedwigoedd.
Mae 30% o’r tir sydd yn cael ei ddefnyddio i dyfu’r nwyddau hyn mewn gwledydd sydd mewn perygl o ddatgoedwigo ac ecsbloetio cymdeithasol, fel llafur gorfodol a cham-drin hawliau Pobl Frodorol.
Olew palmwydd wedi’i fewnforio yw’r nwydd sydd fwyaf tebygol o ddod o wledydd sydd â risg ddifrifol o ddatgoedwigo ac ecsbloetio cymdeithasol.
Mae Cymru’n mewnforio swm enfawr o 190,000 tunnell o soi y flwyddyn, ac mae bron i 80% yn cael ei fwydo i dda byw.
Mae’r allyriadau nwyon tŷ gwydr sy’n gysylltiedig â mewnforio soi, coco, palmwydd a rwber naturiol yn dod i gyfanswm o 1.5 miliwn tunnell o C02e bob blwyddyn. Bron i chwarter ein hallyriadau trafnidiaeth cenedlaethol!
Mae £2 ym mhob £10 o gronfa bensiwn cyfartalog y DU wedi’i gysylltu â datgoedwigo.

Picture of an area of forest surrounded by deforestation in Brazil

Adroddiadau ac adnoddau perthnasol

Gwneud Cymru’n Genedl Dim Datgoedwigo

Cenedl Dim Datgoedwigo: Papur i wneuthurwyr polisi

Dysgwch fwy

Cymru a chyfrifdldeb byd-eang

Defnyddir ardal sy’n cyfateb i 40% o faint Cymru dramor i dyfu nwyddau a fewnforir i Gymru.

Mewn llawer o’r gwledydd hyn mae hawliau pobl frodorol yn cael eu cam-drin, mae pobl gan gynnwys plant yn cael eu gorfodi i lafur, ac mae cynefinoedd bywyd gwyllt gwerthfawr yn cael eu dinistrio i greu nwyddau sy’n rhwym i Gymru.

Darllenwch yr holl adroddiad i ddysgu fwy.

Darllenwch yr adroddiad llawn

Bwyd, Coedwigoedd ac Anghyfiawnder: Y Cyswllt Cudd rhwng Cymru a Brasil

Mae adroddiad newydd wedi datgelu sut mae dewisiadau bwyd bob dydd yng Nghymru yn cyfrannu at ddinistrio coedwigoedd trofannol, achosion o gam-drin hawliau dynol a llygredd – o’r Amazon i afonydd Cymru. Wedi’i gyhoeddi ar y cyd gan Maint Cymru a WWF Cymru, mae Bwyd, Coedwigoedd ac Anghyfiawnder: Y Cyswllt Cudd rhwng Cymru a Brasil yn datgelu sut mae system fwyd Cymru wedi’i chlymu mewn gwe fyd-eang o ddatgoedwigo, niwed amgylcheddol ac anghyfiawnder.

Darllenwch yr adroddiad llawn

Asesu Dichonoldeb Cyflwyno Bwydlen Dim Datgoedwigo Livewell mewn Ysgolion yng Nghymru

Fe wnaethom gynnal asesiad hyfywedd mewn perthynas â chyflwyno ffordd fwy cynaliadwy o ddarparu prydau ysgol yng Nghymru. Dyma beth y gwnaethom ei ddarganfod.

Darllenwch yr adroddiad llawn

Pecyn Cymorth Caffael Cyhoeddus Dim Datgoedwigo

Mae’r Pecyn Cymorth Busnesau Dim Datgoedwigo (BDD) hwn wedi’i lunio gan Maint Cymru i helpu busnesau i sicrhau nad yw’r cynhyrchion, y nwyddau a’r gwasanaethau y byddant yn eu prynu, yn eu cynhyrchu neu’n buddsoddi ynddynt, yn achosi datgoedwigo mewn mannau trofannol, dinistrio cynefinoedd ac effeithiau cymdeithasol negyddol dramor.

Dysgwch fwy

Pecyn Cymorth Busnesau Dim Datgoedwigo

Mae’r Pecyn Cymorth Busnesau Dim Datgoedwigo (BDD) hwn wedi’i lunio gan Maint Cymru i helpu busnesau i sicrhau nad yw’r cynhyrchion, y nwyddau a’r gwasanaethau y byddant yn eu prynu, yn eu cynhyrchu neu’n buddsoddi ynddynt, yn achosi datgoedwigo mewn mannau trofannol, dinistrio cynefinoedd ac effeithiau cymdeithasol negyddol dramor.

Dysgwch fwy

Cefnogwch Maint Cymru

Cyfrannwch heddiw i sicrhau dyfydol gyda choedwigoedd

Ymunwch â'r gymuned

Eisiau clywed am ein prosiectau, ymgyrchoedd a digwyddiadau diweddaraf trwy ebost?